शहीद स्मारक ‘ए’ डिभिजन लिग फुटबलमा आज तेस्रो चरणको खेलहरु हुँदै
काठमाडौं । शहीद स्मारक ‘ए’ डिभिजन लिग फुटबल प्रतियोगिता अन्तर्गत शुक्रबारबाट तेस्रो चरणको खेलहरु हुँदैछन् । लिगको तेस्रो चरण अन्तर्गत शुक्रबार दुई खेल हुनेछन् ।
एक खेल दशरथ रंगशाला र एक खेल एन्फा कम्प्लेक्समा हुनेछ ।
एन्फा कम्प्लेक्समा हुने खेलमा एफसी खुमलटार र थ्री स्टार क्लबबीच प्रतिष्पर्धा हुनेछ । खुमलटार र थ्री स्टारबीचको खेल दिउँसो २ः३० बजे सुरू हुनेछ ।
नवप्रवेशी क्लब खुमलटार दोस्रो जितको खोजीमा रहेको छ भने थ्री स्टार पहिलो जितको खोजीमा हुनेछ ।
दशरथ रंगशालामा हुने खेलमा हिमालयन शेर्पा क्लब र चर्च ब्वाइज युनाईटेडबीच प्रतिष्पर्धा हुनेछ । हिमालयन र चर्च ब्वाइजबीचको खेल साँझ ५ः३० बजे सुरू हुनेछ ।
हिमालयन आज दोस्रो जित निकाल्ने योजनामा रहेको छ भने नवप्रवेशी क्लब चर्च ब्वाइज लगातार तेस्रो जितको खोजीमा रहेको छ ।