राप्तीपुलमा म्याजिकले ठक्कर दिँदा मोटरसाइकल चालकको मृत्यु

हेटौंडा । हेटौंडा- ११ थानाभर्याङ राप्तिपुलमा म्याजिकले मोटरसाइकललाई ठक्कर दिँदा मोटरसाइकल चालकको मृत्यु भएको छ।आज शुक्रबार बेलुकी ०५:१० पुर्व पश्चिम सडक खण्डमा नवलपुरबाट हेटौडा बजारतर्फ आउँदै गरेको ना.१५ प ४१५७ नं.को मोटरसाइकललाई हेटौडा बजारबाट नवलपुरतर्फ जाँदै गरेको बा.प्र.०३-००१ज ०२५७ नं.को म्याजिकले ठक्कर दिँदा मोटरसाइकल चालक थानाभर्याङका २६ वर्षीय श्रीराम परियारको मृत्यु भएको हो ।

टाउको र खुट्टामा चोट लागेर गम्भीर घाइते भएका मोटरसाइकल चालक परियारको उपचारको लागी हेटौडा अस्पताल पठाइएको र डाक्टरले बेलुकी ०५:५० बजे मृत्यु घोषित गरेको जिल्ला प्रहरी कार्यालय मकवानपुरले जानकारी दिए।

प्रहरीका अनुसार मृतकको लास सोही अस्पतालमा छ। सोही म्याजिकले ना १ ज ८१३१ नं.को अर्को म्याजिकलाई ठक्कर दिएको प्रहरीले जनाएको छ। म्याजिकसँग ठोक्किदा मानवीय क्षती नभएको र मोटरसाइकल, दुबै म्याजिक र दुबै म्याजिक चालक प्रहरीको नियन्त्रणमा रहेको जनाएको छ। त्यस्तै, घटनाको आवस्यक थप अनुसन्धान जारी छ ।