जिल्ला लिग फुटबल: आज समूह चरणको ४ खेल सम्पन्न

हेटौंडा । मकवानपुरको हेटौंडामा जारी जिल्ला लिग फुटबल प्रतियोगितामा समूह चरणको ४ खेल सम्पन्न भएको छ। आज मंगलबार हेटौँडाको दुई खेल मैदानहरु गौरीटार रंगशालामा दुई र सिमलटार खेलमैदानमा दुई खेलहरु भएको हो।

गौरीटार रंगशालामा भएको पहिलो खेलमा प्रतिभा युवा क्लवले एफ सि चाईनालाई ३-० गोल अन्तरले हराएको छ। जसमा सोहित बाईवाले २ गोल गरे भने सुनिल थोकरले १ गोल गरेका हुन्। त्यस्तै, उक्त खेलमा २ गोल गरेका वाईबाले म्यान अफ द म्याच हात पारे।

सोही रंगशालाको दोस्रो खेलमा एफ सि इन्टरनेटले एफ सि पोतालालाई २-० गोल अन्तरले हराएको छ। जसमा एफ सि ईन्टरनेटको लागि मिलन क्षेत्रीले २ गोल गरेका थिए भने खेलको म्यान अफ द म्याच पनि क्षेत्री नै बने।

सिमलटार खेल मैदानको पहिलो खेलमा भने हाडीखोला युथ क्लब र युनाईटेड नाईन बीचको खेल शुन्य गोलमै बराबरीमा टुंगीयो। जसमा म्यान अफ द म्याच सुरेश लामा बने। त्यस्तै, सोही खेल मैदानमा भएको दोस्रो खेलमा पशुपती क्लबलाई ५-२ को गोल अन्तरले हराउँदै सहिद स्मृति क्लब विजयी भएको छ। जसमा, म्यान अफ द म्याच उप्रान्त आले भएका हुन्।