भीमफेदीमा अटो दुर्घटना, ३ जना घाइते

हेटौंडा । भीमफेदी गाउँपालिका वडा नम्बर ४ रानीखोलामा अटो दुर्घटना भएको छ । दुर्घटनामा अटोमा सवार ३ जना घाईते भएको बागमती प्रदेश प्रहरी कार्यालय हेटौंडाले जानकारी दिएको छ ।

भित्री सडक खण्ड अन्तर्गत भैसेबाट रानीखोला तर्फ जाँदै गरेको ना १ ह ८२०७ नम्बरको अटो सडकबाट अन्दाजी ६० र ७० मिटर तल खस्न गई दुर्घटना भएको हो । दुर्घटनामा अटोमा सवार ४ जना मध्ये ३ जना घाईतेको हेटौंडा हस्पिटलमा उपचार भैरहेको प्रहरीले जनाएको छ ।

घाईते हुनेहरुमा अटोमा सवार भीमफेदी गाउँपालिका ४ रानीखोलाका २३ वर्षीय साजन पुलामी मगरको दाईने खुट्टा र कम्मरमा सामान्य चोट रहेको प्रहरीले जनाएको छ । त्यसैगरी अर्का सवार भीमफेदी गाउँपालिका ४ का अन्दाजी वर्ष २४ कि रितिका राना मगरको टाउकोमा चोट लगेको छ भने अवस्था मध्यम रहेको छ।

अर्का अटोमा सवार भीमफेदी गाउँपालिका ४ निजको छोरी अन्दाजी ४ वर्षकी रियासा पुलामी मगरको टाउकोमा चोट अवस्था मध्यम रहेको प्रहरीले जानकारी दिएको छ ।

अटो चालक भीमफेदी गाउँपालिका ४ का अन्दाजी २७ वर्षका रविन सारु मगर प्रहरीको नियन्त्रणमा रहेको छन् भने अटो पूर्ण रुमा क्षती भएको प्रहरीले जानकारी दिएको छ ।