एन्फा महिला लिगः उपाधिका लागि एपीएफ र पुलिस भिड्दै
काठमाडौं । एन्फा महिला लिग २०२४ उपाधिका लागि आज (बुधबार) एपीएफ फुटबल क्लब र नेपाल पुलिस क्लब भिड्दै छन्। त्रिपुरेश्वरस्थित दशरथ रगंशालामा हुने खेल दिउँसो २ बजेपछि सुरु हुनेछ।
एपीएफले पहिलो क्वालिफायरमा विभागीय डर्बीमा त्रिभुवन आर्मी फुटबल क्लबलाई २–१ ले हराउँदै फाइनलमा स्थान बनाएको हो। पुलिस क्लबले दोस्रो क्वालिफायरमा त्रिभुवन आर्मी फुटबल क्लबलाई टाइब्रेकरमा २–१ ले हराउँदै एपीएफसँग उपाधि भिडन्त पक्का गरेको हो।