मकवानपुरमा गाडेको अवस्थामा एक शव फेला
मकवानपुरमा गाडिएको अवस्थामा एक महिलाको शव फेला परेको छ ।
जिल्लाको इन्द्रसरोवर-३ सिस्नेरीमा गाडेको अवस्थामा स्थानीय महिलाको शव फेला परेको हो ।
इलाका प्रहरी कार्यालय भिमफेदीको प्रहरी निरीक्षक प्रतिमा कार्कीको अनुसार शनिबार साँझ गाडेको अवस्थामा शव फेला परेको सूचना आएपछि आइतबार बिहान प्रहरीको टोली घटना स्थलमा पुगेर अनुसन्धान सुरु गरेको छ ।
उनले तालिम प्राप्त कुकरसहितको प्रहरी टोलीले अनुसन्धान गरिरहेको र शवको परिचय खुलाउन नसकिने समेत बताइन् ।
प्रहरीका अनुसार मृत अवस्थामा भेटिएकी महिलाका उमेर अन्दाजी ३७ वर्षको रहेको छ । महिलाको हत्या गरेर गाडिएको हुनसक्ने एक स्थानीयको भनाइ छ ।