खोटाङको दिखुवा खोलामा जीप दुर्घटना हुँदा चालक गम्भीर घाइते
खोटाङमा जीप दुर्घटना हुँदा चालक गम्भीर घाइते भएका छन् ।
मध्यपहाडी लोकमार्ग अन्तर्गत दिक्तेल–हुर्लुङ सडक खण्डको दिखुवा खोलामा को १ ज ३०२७ नम्बरको जीप दुर्घटना हुँदा सुनसरी तरहराका रामकुमार खनाल गम्भीर घाइते हुनुभएकाे हाे ।
यात्रु लिनका लागि सोमवार बिहान हुर्लुङतर्फबाट दिक्तेल आउने क्रममा खाली जीप दिखुवा खोलामा दुर्घटना भएको प्रहरीले जनाएको छ ।
खनालको देब्रे खुट्टा भाँचिएको र दाहिने हातमा चाेट लागेकाे डीएसपी मञ्जिल मुकारुङले बताउनु भयो ।