ओखलढुंगाको एक बाख्रा फार्ममा आगोलाग्दा ८० लाख बराबरको क्षति
ओखलढुंगा । मंगलबार राति ओखलढुंगाको मोलुङ गाउँपालिका-१ आरुबोट सञ्जय बाख्रा फार्ममा आगलागी भएकाे छ ।
आगलागी हुँदा ८० लाख बराबरको क्षति भएको हाे । आगलागीबाट फार्ममा भएका बाख्रा र फार्मका भौतिक संरचना समेत जलेर क्षति भएका छन् । इलाका प्रहरी कार्यालय बरुणेश्वरका अनुसार विजुलीको लाइन सर्ट भएर फार्म आगलागी भएको थियो ।
आगलागीबाट फार्ममा रहेका बोयर, खरी र जमुनापारी लगायतका जातका १ सय २५ वटा बाख्रा जलेका थिए । आगलागीका कारण फार्म पूर्ण रुपमा क्षति भएको प्रहरीले बताएकाे छ ।