प्रधानमन्त्री देउवा र कांग्रेस नेता पौडेलबीच भेटवार्ता, संसदीय दलको नेतामा प्रस्ताव गर्न पौडेलको आग्रह
काठमाडौं । प्रधानमन्त्री समेत रहेका नेपाली कांग्रेसका सभापति शेरबहादुर देउवा र नेता रामचन्द्र पौडेलबीच भेटवार्ता भएको छ । देउवा र पौडेलबीच बुधबार बिहान प्रधानमन्त्रीको सरकारी निवास बालुवाटारमा छलफल भएको हो ।
स्रोतका अनुसार भेटमा पौडेलले आफूलाई संसदीय दलको नेतामा प्रस्ताव गर्न देउवासमक्ष आग्रह गरेका थिए । जवाफमा देउवाले सबै विषयमा हेर्ने भन्दै केही दिन पर्खन आग्रह गरे ।
कांग्रेसमा संसदीय दलको नेता बन्न आकांक्षीहरुको लर्को छ । नेताहरूले भेटघाटलाई तीव्रता दिएका छन् । कांग्रेस संसदीय दलको नेता नै भावी प्रधानमन्त्री हुन योग्य हुन्छन् ।