उत्तर कोरियाले गर्याे मिसाइल परीक्षण
उत्तर कोरियाले आफ्नो पूर्वीतटबाट आइतबार पुनःव्यालेष्टिक मिसाइलको सफल परीक्षण गरेको छ ।
दक्षिण कोरिया सरकारले सञ्चार माध्यममा दिएको जानकारी अनुसार यस वर्षको उत्तर कोरियाको यो नवौं व्यालेष्टिक परीक्षण गरेको हो ।
दक्षिण कोरियाका सेना प्रमुखका अनुसार मिसाइलको परीक्षण आइतबार विहानै गरिएको थियो । जापान सरकारले पनि यसको पुष्टि गरेको अन्तर्राष्ट्रिय सञ्चार माध्यमले जनाएका छन् ।
पछिल्लो महिना उत्तर कोरियाले २० किमीभन्दा अधिक कम दूरीको मिसाइल परीक्षण गरेको थियो । जापानी सञ्चार माध्यमका अनुसार मिसाइल जापान र दक्षिण कोरियाली भूभागको बीच समुद्रमा अर्थात जापानको आर्थिक क्षेत्रभन्दा बाहिर समुद्रमा खसाइएको छ ।
उत्तर कोरिया सरकारले भने मिसाइल परीक्षणबारे अहिलेसम्म जानकारी दिएको छैन ।