यू-२३ पुरुष भलिबल च्याम्पियनसिप खेल्न नेपाली टोली आज बंगलादेश प्रस्थान
काठमाडौं । काभा यू-२३ मुनिको पुरुष भलिबल च्याम्पियनसिप खेल्ने नेपाली टोली आज मंगलबार बंगलादेश प्रस्थान गरेको छ ।
साेही टाेलीलाई यसअघि आइतबार एक कार्यक्रम आयोजना गर्दै नेपाल भलिबल संघले बिदाइ गरेको थियो । यू-२३ मुनिको पुरुष भलिबल च्याम्पियनसिप यहि पुस ७ देखि ११ गतेसम्म बंगलादेशको ढाकामा आयोजना हुने भएकाे छ ।
च्याम्पियनसिपमा आयोजक बंगलादेशसँगै नेपाल, श्रीलंका र किर्गिस्तान गरी ४ टोली सहभागी रहेका छन् । ४ टिम सहभागी प्रतियोगिता राउण्ड रोविन लिगको आधारमा हुने भएकाे छ ।