महोत्तरीमा स्याल आतंक, एकै गाउँका ६ जना घाइते
धनुषा । महोत्तरीमा स्यालको आतंक भएको छ । स्यालले टोकेर पिपरा गाउँपालिका–७ वनौलीका ६ जना घाइते भएका छन् । घाइतेमध्ये दूई महिला र चार पुरुष रहेको जिल्ला प्रहरी कार्यालय महोत्तरीका प्रहरी उपरीक्षक कृष्ण पङ्गेनीले जानकारी दिएका छन ।
घाइते हुनेमा स्थानीय ५० वर्षीय दिनेश ठाकुर, ६२ वर्षीय शिवशंकर साह, ५५ वर्षीय बिल्टु मण्डल, ५५ वर्षीय लुटन साह, ६५ वर्षीया सिनेहा देवी र ५५ वर्षीया रामतोला देवी छन् । गाउँको पश्चिमपट्टी घाँस दाउराका लागि गएका उनीहरूलाई घर फर्किने बेलामा झुण्डमा आएका स्यालले आक्रमण गरेका थिए ।
घाइतेमध्ये शिवशंकर, सिनेहा र रामतोलालाई गए राति नै उपचारका लागि प्रादेशिक अस्पताल जनकपुरधाममा ल्याइएको छ । अन्य चार जनाको गाउँकै क्लिनिकमा प्राथमिक उपचार भइरहेको प्रहरीले जनाएको छ ।