बागमती प्रदेशसभाको पहिलो अधिवेशन आज
हेटौंडा । बागमती प्रदेशसभाको दोस्रो कार्यकाल अन्तर्गत पहिलो अधिवेशन आज सुरु हुँदैछ । प्रदेश प्रमुख यादवचन्द्र शर्माले संविधानको धारा १८३ को उपधारा (१) बमोजिम आज दिउँसो १ बजेका लागि अधिवेशन आव्हान गरेका हुन् ।
प्रदेश सभाको बैठकको अध्यक्षता ज्येष्ठ सांसद रामप्रसाद ढुंगानाले गर्ने छन् । बैठकका एजेण्डा के के रहने भन्ने विषयमा सर्बदलिय छलफलपछी तय गर्ने भएको छ ।
४ मंसिरमा भएको आम निर्वाचनमा बागमतीमा नेपाली कांग्रेसका ३७, नेकपा एमालेका २७, नेकपा माओवादीका २१, राष्ट्रिय प्रजातन्त्र पार्टीका १३, नेकपा एकीकृत समाजवादीका ७, नेपाल मजदुर किसान पार्टीका ३, हाम्रो नेपाली पार्टीका २ जना निर्वाचित भएका थिए ।