News Portal

  • पत्रकार महासंघ युएईका अध्यक्ष पक्राउ

    भूगोल संवाददाता
    ४३ पटक

    युएई । नेपाल पत्रकार महासंघ, यूएई शाखाका अध्यक्ष भुपराज बस्याल पक्राउ परेका छन् । व्यवसायिक लेनदेन सम्बन्धी विवादमा उनलाई यूएई प्रहरीले पक्राउ गरेको हो ।युएईमा व्यवसाय समेत गर्दै आएका बस्याल एक चिनियाँ नागरिकसँगको विवादपछि पक्राउ परेको पत्रकार महासंघ यूएई शाखाका सचिव मेघराज सापकोटाले पुष्टि गरेका छन् ।

    उनले अनलाइनखबरसँग कुरा गर्दै भने, ‘पक्राउ परेको बारे बुधबार जानकारी आएको छ ।’ सापकोटाका अनुसार ती चिनियाँ ग्राहकसँग लिनु पर्ने पैसा नदिएपछि सामान्य विवाद भएको थियो । घटनामा चिनियाँ नागरिकको कान्छी औँलामा चोट लागेको छ । पीडितले प्रहरीमा उजुरी गरेपछि त्यसबारे बुझ्न जाँदा प्रहरीले उनलाई पक्राउ गरेको हो।

    महासंघ पदाधिकारीले अध्यक्ष बस्यालसँग सम्पर्क गर्दा समेत आफू यूएई बाहिर रहेको बताउने गरेका थिए । बस्यालसँग दुईसाता अघि सामाजिक सञ्जालमा सम्पर्क भएको सापकोटाले बताए । त्यसयता उनीसँग महासंघ पदाधिकारीको सम्पर्क भएको छैन ।

    बस्यालले यहाँ काम गर्दै आएको कम्पनी उनका दाई दिपकको हो । हाल उनी कतारमा व्यवसाय गर्दै आएको जनाइएको छ । हाल कार्यबहाक अध्यक्षको जिम्मेवारी उपाध्यक्ष लक्ष्मण खनाललाई दिइएको छ ।

    व्यवसायिक कामले बाहिर जानुपर्ने कारण उल्लेख गरेर आफूलाई कार्यवहाकको जिम्मेवारी दिएको खनालले अनलाइनखबरलाई बताए । अध्यक्षको विषयमा बाहिर आएका घटनाका बारेमा महासंघले शुक्रबार कार्यसमितिमा छलफल गर्ने जनाएको छ ।

    २०७५ माघ १८ गते प्रकाशित
    प्रतिकृया दिनुहोस्

    सामाजिक सञ्जालको गलत प्रयोग : १५ लाख जरिवाना सहित पाँच वर्ष कैद

    काठमाडौँ । सामाजिक सञ्जाल वा विद्युतीय माध्यमको प्रयोग गरेर कोही कसैलाई जिस्क्याउने वा होच्याउने गर्नुभएको...

    सामसुङको फोल्ड गर्न मिल्ने नयाँ स्मार्टफोन सार्वजनिक

    सानफ्रान्सिस्को । दक्षिण कोरियाको विश्वविख्यात स्मार्टफोन निर्माता कम्पनी सामसुङले बुधबार फोल्ड गर्न मिल्ने नयाँ स्मार्टफोन...

    कृषि मन्त्री खनालले दिए राजीनामा दिने धम्की

    अर्घाखाँची । कृषि तथा पशुपन्छी विकास मन्त्री चक्रपाणी खनाल बलदेवले प्रधानमन्त्रीले चाहे मन्त्रिमण्डल फेरवदल हुनसक्ने...

    हेटौंडाबाट मोबाइल चोर्ने दुई जना प्रहरी फन्दामा

    मकवानपुर । मोबाइल चोरीको आरोपमा प्रहरीले दुई जनालाई पक्राउ गरेको छ । अजरअमर रोडमा रहेको...

    कार्यदलबारे विवाद भएपछि नेकपाको एकता नै अन्यौलमा

    काठमाडौं । सत्तारुढ नेकपा कम्युनिस्ट पार्टी (नेकपा) को बैठकमा सांगठनिक एकताबारे गृहकार्य गर्न गठित कार्यदलको...