News Portal

नायिकाको घरमा भेटिए तीन बालिका, मानव तस्करीको आशंका

भूगोल संवाददाता
५७० पटक

काठमाडौँ । भारतीय अभिनेत्री भानुप्रियाको घरबाट तीन बालिकालाई रिहा गरिएको छ । एक बालिकाकी आमाको ऊजुरीपछि सोमबार चाइल्ड लाइनका अधिकारीले अभिनेत्रीको चेन्नईस्थित घरमा अनुसन्धान गर्दा ती बालिका भेटिएका हुन् ।

आन्ध्रप्रदेश पुलिसले भानुप्रियाका भाइविरुद्ध पनि एफआईआर दर्ता गरेको छ । उता, अभिनेत्रीले बालिका र उनकी आमामाथि चोरीको आरोप लगाएकी छिन् ।
बालिकाकी आमाले आन्ध्रप्रदेशमा समालकोट पुलिसलाई मुद्दा दर्ता गरेकी थिइन् ।

यसमा उनले आफ्नी छोरीलाई घरमा जबर्जस्ती कामका लागि राखिएको बताएकी छिन् । त्यसको बदलामा कुनै पैसा पनि नदिएको उनले बताइन् । काम दिने एजेन्टले १० हजार तलब दिने बचन दिएका थिए । ती महिलाले भनिन्, ‘केही दिन अघि छोरीले एक व्यक्तिलाई फोन गरिन् । छोरीले ती व्यक्तिलाई अभिनेत्रीको घरमा कुटपिट र यौन शोषण हुने गरेको बताइन् । त्यसपछि म जनवरी १८ मा छोरीलाई भेट्न चेन्नई गएँ, तर मलाई घर बाहिर नै रोकियो । ’

ती बालिकाले यौन शोषणको जानकारी दिएः कार्यकर्ता

बाल अधिकार कार्यकर्ता अच्युत रावले यसबारे राज्य र राष्ट्रिय बाल अधिकार संरक्षण आयोगलाई पत्र लेखेको थियो । आयोगबाट अनुमती पाएपछि भानुप्रियाको घरमा कारवाही गरियो । बालश्रम कानून उल्लंघनको मामलामा भानुप्रियालाई पक्राउ गर्ने माग गरियो ।

रावले अभिनेत्रीको घरमा बालिका भेटिनुका कारणबारे पूरा अनुसन्धान हुनुपर्ने बताए । यदि कोही विचौलिया आन्ध्रप्रदेशबाट बालिकाहरु ल्याइरहेका छन् भने यसलाई मानव तस्करीको आशंका गर्न सकिन्छ । बालिकाहरुले आफूमाथि यौन शोषण भएको जानकारी दिएका छन् ।

५२ वर्षे भानुप्रिया तेलुगु, तमिल र मलयालम फिल्मकी चर्चित अभिनेत्री हुन् । उनले ती बालिका र उनीहरुका आमाविरुद्ध चोरीको मुद्दा दर्ता गरेका छिन् । उनका अनुसार बालिकाहरुले गहना र ग्याजेट्स चोरेर आफ्ना आमालाई दिएका छन् । जब महिलालाई चोरी गरिएको सामान फिर्ता दिन भनियो तब उनले आइप्याड फिर्ता दिइन् । उनले केही दिन अघि क्यामरा र घडी फिर्ता दिएको बताइन् ।

२०७५ माघ २२ गते प्रकाशित
प्रतिकृया दिनुहोस्

९९ प्रतिशत नेपालीलाई सेक्स गर्न आउँदैन

नेपालमा यौनका विषयमा खुलेर कुरा गरिँदैन । यौनका बारेमा जति चर्चा गर्दा या त त्यसलाई...

दीर्घायु र  स्वस्थ जीवनका लागि साकाहारी भोजन

साकाहारी र मांसाहारीमध्ये कुन भोजन कुन राम्रो  भन्ने  विषयमा बे ला–बे लामा बहस र चर्चा हुने गर्छ।...

महिनावारीको समयमा यौन सम्बन्ध राख्न हुन्छ कि हुँदैन?

महिलाका लागि प्रसव पछिको पीडा महिनावारी हो। धेरै जसो महिलाहरु महिनावारीको समयमा हुने दुखाईबाट पीडित...

बुटबलमा प्रधानमन्त्री ओलीलाई कालोझण्डा देखाइयो

बुटवल । बुटवलमा एक युवाले प्रधानमन्त्री केपी ओलीलाई कालो झण्डा देखाएका छन् । प्रधानमन्त्री ओलीले...

सूचना मन्त्रालयमा आक्रमण

काठमाडौं । अफगानिस्तानको राजधानी काबुलस्थित सूचना मन्त्रालयमा आक्रमण भएको छ । त्यहाँ विस्फोट र गोली...