News Portal

  • सुनको मूल्य आज घट्यो

    भूगोल संवाददाता
    २१० पटक

    काठमाडौं । नौ दिनसम्म बढेपछि बहुमूल्य पहेँलो धातु सुनको मूल्य आज बुधबार घटेको छ । स्थानीय बजारमा छापावाल सुनको भाउ तोलाको ६२ हजार ४ सय रुपैयाँमा कारोबार भइरहेको छ । यो हिजो मंगलबारको दाँजोमा २ सयले कम हो ।

    नेपाल सुनचाँदी व्यवसायी महासंघका अनुसार हिजो मंगलबार सुनको भाउ तोलाको ६२ हजार ५ सय, सोमबार ६२ हजार ५ सय तथा आइतबार, शनिबार र गएको शुक्रबार ६२ हजार ३ सयमा कारोबार भएको थियो ।

    खस्किँदै गएको अमेरिकी अर्थतन्त्र, अन्तर्राष्ट्रिय बजारमा शक्तिशाली मुद्रा अमेरिकी डलर कमजोर हुँदै जानुलगायत कारण सुनको भाउ उच्च हुँदै गएको व्यवसायीको भनाइ छ ।

    महासंघका अनुसार छापावाल सुनको भाउ यसअघि २०७० भदौ १२ गते नेपाली इतिहासकै सबैभन्दा बढी तोलाको ६३ हजार ३ सय रुपैयाँसम्म पुगेको आधिकारिक ‘रेकर्ड’ छ । स्थानीय बजारमा सुनको भाउ अझै बढ्ने अनुमान छ । यो बढेर तोलाको ६५ हजारसम्म पुग्ने अन्तर्राष्ट्रिय विश्लेषकको प्रक्षेपण छ ।

    महासंघका अनुसार हाल नेपालमा दैनिक २० किलोबराबर सुन बिक्री हुने गरेको छ । सुनचाँदी व्यवसायीले नेपाल राष्ट्र बैंक वा उसले तोकेका अन्य ‘क’ वर्गका वाणिज्य बैंकबाट दैनिक २० किलोसम्म सुन खरिद गर्न पाउँछन् ।

    त्यसैगरी तेजाबी सुनको भाउ पनि २ सयले घटेर तोलाको ६२ हजार १ सय रुपैयाँमा कारोबार भइरहेको छ । हिजो मंगलबार ६२ हजार ३ सय, सोमबार ६२ हजार २ सय, आइतबार र गएको शुक्रबार ६२ हजार रुपैयाँ थियो । गत साता बिहीबार र बुधबार ६१ हजार ९ सयमा अडेको
    थियो ।

    चाँदीको भाउ ५ रुपैयाँले घटेर तोलाको ७ सय ८० मा कारोबार भइरहेको छ । हिजो मंगलबार ७ सय ८५ पुगेको चाँदीको भाउ त्यसअघि पाँच दिनसम्म तोलाको ७ सय ८० रुपैयाँमा स्थिर रहेको थियो ।

    महासंघका अनुसार माघ २३ सम्मको मूल्यसूची हेर्दा छापावाल सुनको भाउ माघ १६ र १७ मा ६२ हजार २ सय, १८ र २० मा ६२ हजार ३ सय, २१ मा ६२ हजार ५ सय र माघ २२ मा ६२ हजार ६ सय रुपैयाँ थियो ।

    २०७५ माघ २३ गते प्रकाशित
    प्रतिकृया दिनुहोस्

    सामाजिक सञ्जालको गलत प्रयोग : १५ लाख जरिवाना सहित पाँच वर्ष कैद

    काठमाडौँ । सामाजिक सञ्जाल वा विद्युतीय माध्यमको प्रयोग गरेर कोही कसैलाई जिस्क्याउने वा होच्याउने गर्नुभएको...

    सामसुङको फोल्ड गर्न मिल्ने नयाँ स्मार्टफोन सार्वजनिक

    सानफ्रान्सिस्को । दक्षिण कोरियाको विश्वविख्यात स्मार्टफोन निर्माता कम्पनी सामसुङले बुधबार फोल्ड गर्न मिल्ने नयाँ स्मार्टफोन...

    कृषि मन्त्री खनालले दिए राजीनामा दिने धम्की

    अर्घाखाँची । कृषि तथा पशुपन्छी विकास मन्त्री चक्रपाणी खनाल बलदेवले प्रधानमन्त्रीले चाहे मन्त्रिमण्डल फेरवदल हुनसक्ने...

    हेटौंडाबाट मोबाइल चोर्ने दुई जना प्रहरी फन्दामा

    मकवानपुर । मोबाइल चोरीको आरोपमा प्रहरीले दुई जनालाई पक्राउ गरेको छ । अजरअमर रोडमा रहेको...

    कार्यदलबारे विवाद भएपछि नेकपाको एकता नै अन्यौलमा

    काठमाडौं । सत्तारुढ नेकपा कम्युनिस्ट पार्टी (नेकपा) को बैठकमा सांगठनिक एकताबारे गृहकार्य गर्न गठित कार्यदलको...