News Portal

  • यस्तो चेतावनी दिए माधव नेपालले ओलीलाई

    भूगोल संवाददाता
    ३०२ पटक

    मकवानपुर । नेकपाका नेता तथा पूर्व प्रधानमन्त्री माधवकुमार नेपालले एमाले र माओवादी एकीकरणमा नेतृत्व गोजीबाट दिने प्रयास भइरहेको आरोप लगाएका छन् ।

    न्युज क्लब नेपालको आयोजनामा प्रदेश ३ को राजधानी हेटौँडाम भएको कार्यक्रममा बोल्दै नेता नेपालले एमाले र माओावदीको एकताबाट बनेको नेकपामा गोजीबाट नाम निकालेर नेतृत्व छान्ने काम नहुने बताएका हुन् । नेपालको भनाइले अझै पनि एकता प्रक्रियामा उनी सन्तुष्ट नभएको प्रष्ट पाथ्र्यो । पार्टी अध्यक्ष तथा प्रधानमन्त्री केपी शर्मा ओलीले एकता प्रक्रियामा गोजीबाट नेतृत्वको नाम ल्याएको भन्दै नेपाल पक्षले विरोध गर्दै आएको छ ।

    स्थायी कमिटीदेखि प्रदेश हुँदै जिल्ला कमिटी छनोटमा समेत असन्तुष्टि राख्दै आएका नेता नेपालले सक्षम र राम्रालाई भन्दा पनि आफ्नालाई गोजीबाटै नेतृत्व दिने प्रयास भएपनि यसले सार्थकता नपाउने दाबी गरे । सबै तहमा छिट्टै एकता पुरा हुने उल्लेख गर्दै नेता नेपालले सबै तयार रहन निर्देशन दिए ।

    ‘एकतालाई अघि बढाउन नसक्दा समस्याहरु आएका छन् । अब चाडै एकताको प्रक्रिया अघि बढ्छ । तर एकताको नाममा कसैको गोजीबाट आएका नामलाई नेतृत्व स्विकार्न सकिदैन,’– उनले भने । सरकारले राम्रा काम गरेपनि केही कामका कारण सर्वसाधारणमा दुविधा उत्पन्न भएको उल्लेख गर्दै नेपालले सरकार सचेत भएर अगाडि बढुनुपर्ने सुझाव दिए ।

    तीनै तहको सरकारले शुसासनमा जोड दिनुपर्ने भन्दै पूर्व प्रधानमन्त्री नेपालले भ्रष्ट्राचार नियन्त्रण तथा विकासको कामलाई प्राथमिकता दिनुपर्ने बताए । नेता नेपालले नेपाली कांग्रेस फ्रस्टेसनको शिकार भएको बताए ।

    नेपाली कांग्रेसले भ्रष्ट्राचार न्युनिकरण, सामजिक कुरितको विषयमा विरोध गर्नु राम्रो भएको भएपनि विना कारणको माग राख्दै आन्दोलन गर्नुको कुनै तुक नभएको उनको भनाई छ । आफ्नो तेताले भ्रष्ट्राचार गर्दाचैँ चुप बस्ने अनि अरुको सानो गल्ति खोज्दै हिडने प्रबृत्ति ठिक नभएको उनले बताए ।नेता नेपालले राजधानिको विषयमा आफु नबोल्ने बताएका छन् ।

    पत्रकारहरुले प्रदेशको स्थायी राजधानीको विषयमा प्रश्न गरेपछि उनले यो प्रदेश सरकारको अधिकारको विषय भएकोले आफुले नबोल्ने बताए । कार्यक्रममा बोल्दै पूर्व प्रधानमन्त्री नेपालले एक मधेश एक प्रदेश या मधेशलाई छुट्टै बनाउने कुरा कुनैपनि नेपालीलाई स्विकार्य नहुने बताए । सच्चा नेपालीले मधेशलाई अलग बनाउने सोच राख्न नसक्ने भन्दै उनले मधेशमा हाल कुनै पनि प्रकारको विवेध नरहेको समेत दाबी गरे ।

    न्युज क्लब नेपालको अध्यक्ष धर्मेन्द्र दाहालको अध्यक्षतामा भएको कार्यक्रममा नेकपा मकवानपुरको नेताहरुको सहभागिता रहेको थियो ।

    २०७५ माघ २७ गते प्रकाशित
    प्रतिकृया दिनुहोस्

    सामाजिक सञ्जालको गलत प्रयोग : १५ लाख जरिवाना सहित पाँच वर्ष कैद

    काठमाडौँ । सामाजिक सञ्जाल वा विद्युतीय माध्यमको प्रयोग गरेर कोही कसैलाई जिस्क्याउने वा होच्याउने गर्नुभएको...

    सामसुङको फोल्ड गर्न मिल्ने नयाँ स्मार्टफोन सार्वजनिक

    सानफ्रान्सिस्को । दक्षिण कोरियाको विश्वविख्यात स्मार्टफोन निर्माता कम्पनी सामसुङले बुधबार फोल्ड गर्न मिल्ने नयाँ स्मार्टफोन...

    कृषि मन्त्री खनालले दिए राजीनामा दिने धम्की

    अर्घाखाँची । कृषि तथा पशुपन्छी विकास मन्त्री चक्रपाणी खनाल बलदेवले प्रधानमन्त्रीले चाहे मन्त्रिमण्डल फेरवदल हुनसक्ने...

    हेटौंडाबाट मोबाइल चोर्ने दुई जना प्रहरी फन्दामा

    मकवानपुर । मोबाइल चोरीको आरोपमा प्रहरीले दुई जनालाई पक्राउ गरेको छ । अजरअमर रोडमा रहेको...

    कार्यदलबारे विवाद भएपछि नेकपाको एकता नै अन्यौलमा

    काठमाडौं । सत्तारुढ नेकपा कम्युनिस्ट पार्टी (नेकपा) को बैठकमा सांगठनिक एकताबारे गृहकार्य गर्न गठित कार्यदलको...