News Portal

कस्तो अच्चम, बिहेको ३ मिनेटमै डिभोर्स !

भूगोल संवाददाता
१८७ पटक

सायद यो विश्वकै पहिलो र किर्तिमानी घटना हुनुपर्दछ, सबैभन्दा छोटो समयमै डिभोर्स भएको । अरबी मुलुक कुबेतमा हालै एउटा यस्तो घटना सार्वजनिक भएको छ । त्यहाँ बिहे भएको केवल ३ मिनेटमै लोग्ने स्वास्नीबीच डिभोर्स भएको छ ।

एकजना बेहुलीले बिहेको ३ मिनेटमै आफ्ना बेहुलालाई तलाक दिइन् । तलाक दिनुको कारण चाहीँ झनै रोचक छ । जब कारणको बारेमा थाहा भयो, मानिसहरु बेहुलीको पक्षमा उभिए ।

समाचार अनुसार एक जोडी बिहेका लागि अदालतमा पुगेका थिए । उनीहरु एक अर्काको बन्नका लागि निकै खुसी थिए ।

जब बिहेको अदालती कागजमा हस्ताक्षर गरेर बेहुला बेहुली अदालतको ढोका बाहिर निस्किँदै थिए, एक्कासी बेहुलीको खुट्टा अल्झियो र उनी लडिन् ।

बेहुली लडेपछि उनलाई उठाउनुको साटो बेहुला चाहीँले उल्टै मुर्ख भनेर गाली गरे । भर्खरै बिहे गरेको लोग्नेले आफुलाई माया गरेर उठाउनुको साटो त्यस्तो दुर्वचन बोलेपछि बेहुली रिसले आगो भइन् । उनी तत्कालै त्यहाँबाट उठेर अदालतभित्र छिरिन् । उनले आफ्नो बिहे गराइदिने न्यायाधीश समक्ष आफ्नो घटना सुनाउँदै आफु सम्बन्ध विच्छेद गर्न आएको बताएपछि सबै अचम्ममा परे । उनको कुरा सुनेपछि न्यायाधीश पनि छक्क परे । सुरुमा त उनले आफ्नो निर्णयमा पुनर्विचार गर्न बेहुलीलाई आग्रह गरे । तर उनी मान्ने वाला थिइनन् । अन्ततः न्यायाधीशले पनि सम्बन्ध विच्छेदको फैसला गरिदिए ।

बिहेकेा ३ मिनेटमै भएको उक्त सम्बन्ध विच्छेद कुवेतको इतिहासमै पहिलो भएको बताइएको छ । यो विवाह सायद दुनियाकै सबैभन्दा छोटो वैवाहिक सम्बन्ध पनि होला ।

यो घटनाका बारेमा सोसल मिडियामा समाचार फैलिएसँगै मानिसहरुका अनेक खालका प्रतिक्रिया आएका छन् । धेरैले ३ मिनेटमै डिभोर्सको फैसला लिने ती युवतीको प्रसंसा गरेका छन् । एजेन्सी

२०७५ माघ २८ गते प्रकाशित
प्रतिकृया दिनुहोस्

९९ प्रतिशत नेपालीलाई सेक्स गर्न आउँदैन

नेपालमा यौनका विषयमा खुलेर कुरा गरिँदैन । यौनका बारेमा जति चर्चा गर्दा या त त्यसलाई...

दीर्घायु र  स्वस्थ जीवनका लागि साकाहारी भोजन

साकाहारी र मांसाहारीमध्ये कुन भोजन कुन राम्रो  भन्ने  विषयमा बे ला–बे लामा बहस र चर्चा हुने गर्छ।...

महिनावारीको समयमा यौन सम्बन्ध राख्न हुन्छ कि हुँदैन?

महिलाका लागि प्रसव पछिको पीडा महिनावारी हो। धेरै जसो महिलाहरु महिनावारीको समयमा हुने दुखाईबाट पीडित...

बुटबलमा प्रधानमन्त्री ओलीलाई कालोझण्डा देखाइयो

बुटवल । बुटवलमा एक युवाले प्रधानमन्त्री केपी ओलीलाई कालो झण्डा देखाएका छन् । प्रधानमन्त्री ओलीले...

सूचना मन्त्रालयमा आक्रमण

काठमाडौं । अफगानिस्तानको राजधानी काबुलस्थित सूचना मन्त्रालयमा आक्रमण भएको छ । त्यहाँ विस्फोट र गोली...