News Portal

  • सुर्तीबारे कक्षा : राम्रोसँग पाठ बुझ्नका लागि कक्षाकोठामै धुम्रपान गर्न छुट

    भूगोल संवाददाता
    ६१ पटक

    कलेजको कक्षाकोठा जस्तै देखिने स्थानमा विद्यार्थीहरुले धुम्रपान गरिरहेको तस्विर केही समयदेखि इन्टरनेटमा ब्यापक रुपमा सेयर भइरहेको छ । उक्त तस्विरले सबैलाई अचम्मित बनाएको थियो । तर, अहिले उक्त तस्विर सुर्तीबारेको कक्षा रहेको खुलेको छ ।

    उक्त विवादास्पद फोटो गत नोभेम्बरमा चीनको सामाजिक सञ्जाल वेइबोमा भाइरल भएको थियो । त्यसयता उक्त फोटो अन्य सामाजिक सञ्जालमा पनि ब्यापक रुपमा सेयर भएको छ ।

    फोटोमा युवा विद्यार्थीहरुले चुरोट सल्काउँदै गरेको देख्न सकिन्छ भने केही विद्यार्थीले स्मार्टफोनले फोटो खिचिरहेको र शिक्षकले त्यसलाई चुपचाप हेरिरहेको पनि देख्न सकिन्छ ।

    सामाजिक सञ्जालमा फोटो भाइरल बनेपछि त्यसको व्यापक आलोचना भएको थियो । अन्ततः विश्वविद्यालयका डिनले यसबारे स्पष्टिकरण दिनुपरेको थियो ।

    युनान कृषि विश्वविद्यालयका डिन झाओ झेनडियोङका अनुसार उक्त फोटो सुर्तीबारे कक्षाका दौरान लिइएको थियो । जसमा शिक्षकले विभिन्न ब्रान्डका चुरोट ल्याएर विद्यार्थीहरुलाई चाख्न दिएका थिए ।

    सुर्तीबारे विस्तृत रुपमा बुझ्न, यसको स्वाद र यसले घाँटीमा गर्ने प्रभावबारे बुझ्न शिक्षकले सो विधि अपनाएको स्पष्टिकरण उनले दिएका छन् । झाओका अनुसार विद्यार्थीहरुलाई चुरोट पिउन बाध्यकारी नभए पनि सबैले यसमा भाग लिएका थिए ।

    यता, विश्वविद्यालयका विद्यार्थीहरुले पनि शिक्षकको उक्त विधिको बचाऊ गरेका छन् । ‘हामीले चुरोट पिएका होइनौँ । हामीले त्यसको बारेमा जानकारी मात्र लिएका हौँ,’ विद्यार्थीले सामाजिक सञ्जालमा लेखेका छन् ।

    यसका बावजुद धेरैले यो विधि खतरनाक भएको र विद्यार्थीको जीवनलाई जोखिममा पारेको आरोप लगाएका छन् ।

    ‘अब जाँचमा के गर्ने ? कसले छिटो चुरोट तान्छ भनेर प्रतिस्पर्धा गराउने ?,’ एक जनाले टिप्पणी गरेका छन् ।

    २०७५ फागुन २९ गते प्रकाशित
    प्रतिकृया दिनुहोस्

    मानवसेवा आश्रमलाई प्रदेश सरकारको ५ लाख

    वीरगञ्ज । प्रदेश २ का मुख्यमन्त्री लालबाबु राउतले मावन सेवा आश्रम वीरगञ्ज शाखाको भवन निर्माणका...

    शहीद स्मृति राष्ट्रिय फुटबल प्रतियोगिताको तयारी पूरा

    मकवानपुर । दोस्रो संस्करणको भूगर्भ सिमेन्ट शहीद स्मृति राष्ट्रिय फुटबल प्रतियोगिता–२०७५ को तयारी सम्पन्न भएको छ...

    होली खेल्ने क्रममा बानेश्वरमा खुकुरी हानाहान, दुई जना घाइते

    काठमाडौँ । नयाँ बानेश्वर चोकमा होली खेल्ने क्रममा विवाद हुदाँ खुकुरी हानाहान भएको छ। झडपको...

    बाहुबली निर्देशकको “आरआरआर”

    काठमाडौँ । तेलुगु भाषामा लगातार ‘मगधीरा’, ‘मख्खी’ र ‘बाहुबली’ का दुई भाग निर्देशन गरेर बलिउडमा...

    जनताको जलविद्युत कार्यक्रम भोलिदेखि, पहिलो सेयर प्रधानमन्त्रीले किन्दै

    काठमाडौं । ‘नेपालको पानी जनताको लगानी सबै नेपाली विद्युतको सेयरधनी’ भन्ने नाराका साथ पहिलो चरणमा...