News Portal

  • शनिबार सिड्नीमा बहुसांस्कृतिक नेपाली कार्यक्रम हुने

    भूगोल संवाददाता
    २७ पटक

    सिड्नी । पश्चिम सिड्नीमा नेपालीहरुको अगुवाइमा अस्ट्रेलियन बहुसांस्कृतिक कार्यक्रम हुने भएको छ । शनिबार दिनभर हुने यो कार्यक्रम आयोजना गर्न यहाको कम्बरल्याण्ड काउन्सिलले आर्थिक तथा नैतिक सहयोग गरेको छ । कार्यक्रमलाई सफल बनाउन यहाँको नेपाली समुदाय एक महिना अघिदेखि तयारीमा जुटेको थियो ।

    नेपाली कला संस्कृति तथा साहित्य प्रतिष्ठा अस्ट्रेलियाको मुख्य अगुवाइमा हुने कार्यक्रममा नेपाली लगायत अस्ट्रेलियाका आदिवासी, ल्याटिन अमेरिकी तथा दक्षिण एसियाली अन्य मुलुकका कलाकारहरुले पनि आफ्नो सांस्कृतिक प्रस्तुति गर्ने आयोजकहरुले बताएका छन् ।

    नेपाली कला संस्कृति तथा साहित्त्य प्रतिष्ठान अस्ट्रेलियाकि अध्यक्ष सुजाता केसीका अनुसार नेपाली भाषाका आदिकवि भानुभक्त आचार्यको सम्झनामा प्रत्यक बर्ष कार्यक्रम गरिने भए पनि यो वर्ष नेपाली बसन्त ऋतुको आगमनसंगै बहुसांस्कृतिक कार्यक्रम गर्न लागिएको हो । कार्यक्रममा विशेषगरी नेपाली बहुभाषिक तथा बहुजातीय पहिरन , नाचगान तथा संगीतको प्रस्तुति हुनेछ ।

    पश्चिम सिड्नीको बाक्लो नेपाली बस्ती भएको ग्रान्भिल इलाकाको टाउनहलमा आयोजना हुने कार्यक्रममा सिड्नीका बिभिन्न अन्य भूभागहरुबाट झन्डै तीनसय नेपालीहरुको सहभागिता हुने कार्यक्रम संयोजक जानकी पौडेलले बताइन् ।

    अस्ट्रेलियामा प्रकाशित प्रसारित हुने सबै नेपाली संचार माध्यमहरु तथा सामुदायिक नेताहरुका प्रोफाइलहरुबाट यो कार्यक्रमको ब्यापक प्रचार भएको छ ।

    यहाँका झन्डै १६ वटा बस्तीहरुमा बीस हजार भन्दा बढी ग्राहक भएको अबन रिभ्यु पत्रिकाले गत मंगलबारको संस्करणमा ‘नेपाली बहुसांस्कृतिक मेला हुने’ भन्दै समाचार प्रकाशित गरेको थियो ।

    उक्त पत्रिकाका अनुसार शनिबार बिहान ११:३० देखि अपरान्ह ४:३० सम्म हुने कार्यक्रममा नेपालीपनको बिहानी तथा दिवा भोजको निःशुल्क ब्यबस्था गरिएको छ ।
    उक्त पत्रिकाले यो कार्यक्रमबाट सहभागी सबैले एकार्कामा परिचय स्थापित गर्नुकासाथै बहुसांस्क्रतिक समाजको सद्भावको बन्धन बलियो हुने आशा ब्यक्त गरेको छ ।

    २०७५ चैत १ गते प्रकाशित
    प्रतिकृया दिनुहोस्

    मानवसेवा आश्रमलाई प्रदेश सरकारको ५ लाख

    वीरगञ्ज । प्रदेश २ का मुख्यमन्त्री लालबाबु राउतले मावन सेवा आश्रम वीरगञ्ज शाखाको भवन निर्माणका...

    शहीद स्मृति राष्ट्रिय फुटबल प्रतियोगिताको तयारी पूरा

    मकवानपुर । दोस्रो संस्करणको भूगर्भ सिमेन्ट शहीद स्मृति राष्ट्रिय फुटबल प्रतियोगिता–२०७५ को तयारी सम्पन्न भएको छ...

    होली खेल्ने क्रममा बानेश्वरमा खुकुरी हानाहान, दुई जना घाइते

    काठमाडौँ । नयाँ बानेश्वर चोकमा होली खेल्ने क्रममा विवाद हुदाँ खुकुरी हानाहान भएको छ। झडपको...

    बाहुबली निर्देशकको “आरआरआर”

    काठमाडौँ । तेलुगु भाषामा लगातार ‘मगधीरा’, ‘मख्खी’ र ‘बाहुबली’ का दुई भाग निर्देशन गरेर बलिउडमा...

    जनताको जलविद्युत कार्यक्रम भोलिदेखि, पहिलो सेयर प्रधानमन्त्रीले किन्दै

    काठमाडौं । ‘नेपालको पानी जनताको लगानी सबै नेपाली विद्युतको सेयरधनी’ भन्ने नाराका साथ पहिलो चरणमा...