News Portal

पुलिसबाट भागेका चोरलाई जब पुलिसले नै उद्दार गर्नुपर्यो (भिडियो)

भूगोल संवाददाता
८४ पटक

चीनको हुनान प्रान्तको जियांगमा पुलिसबाट भागेका चोरलाई पुलिसले नै उद्दार गर्नुपरेको छ । पुलिसले समात्ने डरले आफू बसेको भवनको झ्यालबाट भाग्ने कोसिस गर्ने क्रममा उनी २२ औं तल्लामा नराम्रोसँग फसे ।

पुलिसका अनुसार चोर पर्वतारोही झैं भवनबाट तल ओर्लिरहेका थिए । यसैबीच सन्तुलन बिग्रिएपछि उनी झ्यालमा झुण्डिए । आफूलाई बचाउनका लागि उनी चिच्याइरहेका थिए । उनलाई पक्राउ गर्न आएका पुलिस उनको उद्दारमा खटे ।

युवकको आपराधिक रेकर्ड पनि भएको र उनी लागूऔषधका दुर्व्यवसनी पनि रहेको बताइन्छ ।

युवकले मार्च २४ तारिखमा चक्कु देखाउँदै एक स्थानीय पसलमा लुटपाट गरेका थिए । आरोपीले स्टोरबाट एटिएम कार्ड चोरेर खाताबाट १० हजार युआन (एक लाख ६५ हजार रुपैयाँ) निकालेका थिए । घटनापछि उनको व्यापक खोजी भइरहेको थियो ।

करिब तीन दिनअघि पुलिसले अनुसन्धानको क्रममा स्टोरमा चोरी गर्ने व्यक्ति उक्त भवनमा लुकेको जानकारी पायो । त्यसपछि पुलिस साइरन बजाउँदै अपार्टमेन्टमा छापा मार्न पुग्यो । यद्यपि, साइरन सुनेपछि आरोपीले सिँढी र लिफ्टको साटो भवनको झ्यालबाट भाग्ने कोसिस गरे । बाहिर निस्कने क्रममा उनी एक भ्यालमा फसे ।

उद्दार अघि एक पुलिस अधिकारीले उनलाई आत्मसमर्पण गर्नका लागि सम्झाए । उनले भने, ‘यदि तिमी आत्मसमर्पण गर्छौ भने तिमीसँग बाँच्ने एउटा मौका छ । तिमी जवान छौं, तिम्रो अगाडि पूरा जीवन छ ।’

पुलिसका अनुसार यी युवक सन् २००३ मा पनि चोरीको आरोपमा तीन वर्षका लागि जेल गइसकेका छन् । पाँच वर्षपछि उनलाई लागुऔषध सेवन गरिरहेका बेला पक्राउ गरिएको थियो । त्यसपछि उनलाई तीन महिनाका लागि पुनर्वास केन्द्र पठाइएको थियो ।

आरोपी २०१७ मा पनि जेल गइसकेका छन् । उनका अनुसार जेलबाट निस्किएपछि उनी आफ्ना साथीसँग मिलेर व्यापार सुरु गर्न चाहन्थे । यसका लागि पैसाको आवश्यक पर्दथ्यो त्यसैले उनले स्टोरमा चोरी गरेको बताए ।

२०७५ चैत २६ गते प्रकाशित
प्रतिकृया दिनुहोस्

विजयी भलिबल टिमलाई वडामा सम्मान

मकवानपुर । हेटौँडा उपमहानगरपालिका वडा नम्बर १२ को कार्यालयले भलिबल प्रतियोगितामा विजयी भएको भलिबल टिमलाई...

मकवानपुरमा ६६ हजार कुखुरा नष्ट, बर्डफ्लु नियन्त्रण अझैं भएन

मकवानपुर । मकवानपुरको हेटौंडामा बर्डफ्लु पुष्टि भएको पाँच साताको बीचमा ६६ हजार पाँचसय ४६ कुखुरा,...

मकवानपुरमा प्रशोधन नगरिएको दूध बिक्रीमा प्रशासनले लगायो प्रतिबन्ध

मकवानपुर । जिल्ला प्रशासन कार्यालय मकवानपुरले आजबाट प्रशोधन नगरिएको दूध बिक्रीमा रोक लगाएको छ ।...

प्रधानाध्यापकले यौनहिंसा गरेको खुलासा गरेकी छात्राको जलाएर हत्या

नुसरत जाहा राफीलाई बंगलादेशस्थित उनको विद्यालय परिसरमा मट्टीतेल खन्याएर आगो लगाइयो । दुई साता अघिमात्रै...

चितवनमा सुरुभयो प्रदेश ३ को लगानी सम्मेलन, यस्ता छन् एजेण्डा

मकवानपुर । प्रदेश–३ सरकारको आयोजनामा आजबाट चितवनमा लगानी सम्मेलन सुरु भएको छ । प्रदेश–३ मा...