News Portal

  • हेटौंडा अस्पताललाई छोएन संघको आन्दोलनले

    भूगोल संवाददाता
    १४३ पटक

    मकवानपुर । नेपाल चिकित्सक संघले आजबाट देशभरका अस्पतालको आकस्मिकबाहेकका सेवा ठप्प पार्ने घोषणा गरेपनि हेटौंडा अस्पतालले भने सेवा प्रदान गरिरहेको छ ।

    प्रदेश ३ को राजधानी हेटौंडाको एकमात्र सरकारी अस्पतालले आज सेवा नरोकेको हो । हिजो राती अबेर खबर आएका कारण सेवा रोक्न नसकेको अस्पतालका मेसु डा. प्रविण श्रेष्ठले बताए । उनले खबर ढिला थाहा पाएकाले सेवा बन्द गर्न नसकेको उल्लेख गरे ।

    उनले बिमारीले टिकट लिइसकेको हुँदा ओपीडीमा आज चिकित्सिकहरुले आफ्नो काम गरिरहेको उनले जानकारी दिए । उनले भने–‘ आजलाई सेवा दिइरहेका छौं । राती अबेर आकस्मिक बाहेकको सेवा बन्द गर्ने भनेर संघले खबर गर्यो । तर एक महिनादेखि आजैका लागि अप्रेसनलगायतका उपचारका लागि बोलाएका बिमारलिाई फर्काउन सकिदैन ।’

    उनले आज अस्पताल समयमा आएका बिमारीलाई सेवा प्रदान गर्ने जानकारी दिए । टिकट काटेका बिमारीलाई ओपिडीबाट सम्भव नभए आकस्मिकबाट भएपनि सेवा दिने मेसु श्रेष्ठले बताए । उनले आजलाई अस्पताल सेवा रोक्ने पक्षमा नरहेको जनाए । भोलीललाई अब निर्णय हुन्छ त्यसपछि भन्न सकिने उनले उल्लेख गरे ।

    यसैगरी हेटौंडाका अधिकांश निजी अस्पतालले पनि सेवा दिइरहेका छन् ।

    अनसनरत डा. गोविन्द केसीको जीवन रक्षा माग गर्दै त्रिवि शिक्षण अस्पतालसहित देशभरका अस्पतालमा रिले अनसन बसिरहेको संघले माग सुनुवाइ नभएको भन्दै कडा संघर्षको कार्यक्रम सार्वजनिक गरेको हो ।

    संघका महासचिव डा. लोचन कार्कीले २५ दिनदेखि अनसनरत केसीको जीवन रक्षा गर्न सरकार गम्भीर नबनेपछि बाध्य भएर कडा संघर्षको कार्यक्रम सार्वजनिक गर्नुपरेको बताए । देशभरका सरकारी, गैरसरकारी तथा निजी मेडिकल कलेजका आकस्मिक सेवा सञ्चालन गर्न नरोके पनि ओपीडी लगायतका सेवा बन्द हुने जानकारी डा. कार्कीले दिए ।

    संघले वार्ता र संवादबाट तत्काल समस्याको समाधान खोज्न सरकारलाई आग्रहसमेत गरेको छ । अन्यथा उत्पन्न हुने परिस्थितिको जिम्मेवार सरकार नै हुने संघको भनाइ छ ।

    संघले थप संघर्षका कार्यक्रम घोषणा गरे पनि त्रिवि शिक्षण अस्पताललगायतले बन्द, हडताल नगर्न अपिल गरेका छन् । त्रिवि शिक्षण अस्पतालले बन्द, हडताल निषेध गर्दै त्यसविपरीत प्रस्तुत हुने चिकित्सक तथा कर्मचारीलाई कारबाही गर्ने चेतावनी दिएको छ ।

    २०७५ माघ १८ गते प्रकाशित
    प्रतिकृया दिनुहोस्

    सामाजिक सञ्जालको गलत प्रयोग : १५ लाख जरिवाना सहित पाँच वर्ष कैद

    काठमाडौँ । सामाजिक सञ्जाल वा विद्युतीय माध्यमको प्रयोग गरेर कोही कसैलाई जिस्क्याउने वा होच्याउने गर्नुभएको...

    सामसुङको फोल्ड गर्न मिल्ने नयाँ स्मार्टफोन सार्वजनिक

    सानफ्रान्सिस्को । दक्षिण कोरियाको विश्वविख्यात स्मार्टफोन निर्माता कम्पनी सामसुङले बुधबार फोल्ड गर्न मिल्ने नयाँ स्मार्टफोन...

    कृषि मन्त्री खनालले दिए राजीनामा दिने धम्की

    अर्घाखाँची । कृषि तथा पशुपन्छी विकास मन्त्री चक्रपाणी खनाल बलदेवले प्रधानमन्त्रीले चाहे मन्त्रिमण्डल फेरवदल हुनसक्ने...

    हेटौंडाबाट मोबाइल चोर्ने दुई जना प्रहरी फन्दामा

    मकवानपुर । मोबाइल चोरीको आरोपमा प्रहरीले दुई जनालाई पक्राउ गरेको छ । अजरअमर रोडमा रहेको...

    कार्यदलबारे विवाद भएपछि नेकपाको एकता नै अन्यौलमा

    काठमाडौं । सत्तारुढ नेकपा कम्युनिस्ट पार्टी (नेकपा) को बैठकमा सांगठनिक एकताबारे गृहकार्य गर्न गठित कार्यदलको...